友情大考驗

游同學長了一個水瘤，醫生叫他要進醫院開刀割除，大約要留院三天兩夜吧。
還在考慮要不要進行手術，游同學就笑說留院期間，都不知做什麼好。我們都是建議她，看書呀、看雜誌呀，和睡多點。期間，我們忽然猜張小姐會否借出他的寶貝NDS呢？於是，我們又來一個「友情大考驗」。

我們告訴張小姐，游同學5月中要做手術啦，想要借NDS來打發時間。

張小姐：唔得！不如我借部sudoku機(!!)俾你啦！
我們：佢都唔喜歡玩sudoku！要玩的話，可以在網上印出來啦！
我們：你借俾佢啦！佢要做手術，好慘架喎！
張小姐：唔好啦！我間屋(？！)要打理架，如果唔係會生雜草和有曱甴架！
游同學：咩呀？你講咩呀……
張小姐：我玩緊animal crossing呀麻……咁啦你想打機，不如我俾部gameboy(!!!)你啦！
游同學：(啞！)
張小姐：不過部gameboy唔知去左邊喎！
游同學：(啞！)
張小姐：你做手術個幾日，我可能飛左呢！
我們：咁咪好囉！你飛左去做野，咪借俾游同學囉！你可以教佢玩啦，佢唔會令到你間屋生雜草和有曱甴架！
張小姐：唔得架！遊戲機要跟身架！唔借得俾人架！咁啦，我去探你個時，借你玩一陣間啦！

有張小姐這樣天真如小孩的朋友，可以常當「友情大考驗」節目的主角，我覺得真係好開心！！

又，其實張小姐都應該知道游同學從不喜歡打電玩。
又又，這次的「友情大考驗」，只有林芍芍是以為張小姐是有同情心的啦！