有趣的刁民

同事R，常笑謂我們幾個同組是公司的刁民。因為我們總是肆無忌憚的戲謔公司的事、公司的人。

但過去的幾天，我發現了刁民中的刁民。

刁民中的刁民，勉強來說，也曾經是同組的，只是從來沒有交往。分開不同的組別後一年，我們又再勉強算是跟回同一老闆。星期一，開了次會，就是關於「年尾埋數，展望來年」之類。老闆都是叫大家數數去年完成了什麼計劃啦、參與的人數啦，然後再估計一下來年服務人數可以提升多少、計劃出怎樣的產品、需要什麼資源……豈料……

刁民中的刁民：其實我真係好難估計服務人數囉！因為公司冇俾我呀……究竟全港有幾多老師，又有幾多係教中文，呢條數我真係唔識估囉！冇理由要估架，咁個個人個數都有出入架喎！(講得好理直氣壯，好有氣勢！)

老闆：全港有幾多老師，呢條數公司有嘅，不過要知道有幾多中文老師，就真係有難度啦！你知啦，好多老師都同一時間教不同科目，真係好難有呢D數據。我會向公司反映一下，睇下有冇方法拎到大家合用的數據。不過，目前可能要靠各位前線的同事，以前線的觸角去估計自己範疇來年可以服務多幾多人啦！

刁民中的刁民：呢個唔係咩前線的觸角囉！呢個係客觀的數據喎！有幾多就係幾多，唔可以估！要有人做資料搜集！不過我覺得唔應該要同事自己去做，宜家已經有太多行政工作啦！

好啦！講到呢度，我呢種普通刁民已經忍唔到笑囉！大佬，咩野叫「行政工作」呢？在辦公室不做這些文件工作，又應該作什麼呢？可能他是需要以辦公時間用黎創作自己的書囉！再者，平日口口聲聲說自己要管理「三大部分」，常接觸前線老師，有什麼理由估計不到來年可增加的服務對象？是不是一定要有真實的數據來評估呢？就當每間學校只有一名中文老師，全港就有1200多名啦！你今年的「三大部分」有多少會員呢？來自多少間學校呢？來年的目標就做每間學校都有至少一名會員啦！我覺得如果這麼簡單的評估也做不到，他應該只適合做PA囉！

老闆沒有再理他，就只是有點晦氣說：大家如果能評估就評估，因為你們有好的觸角。但如果不能，就不要評估啦！因為評估不到是合理的啦！我希望大家都跟這個表去做埋數和計劃……(表格只有三數個欄目，就是簡單的"計劃名稱"、"合作伙伴"、"參與人數"、"產品服務名稱")

刁民中的刁民：唔…會唔會有範本讓大家參考呢？

老闆：範本？就只是簡單的表格……大家盡量填，看看下星期是否可以交啦！

刁民中的刁民：不是時間的問題！需要的話，我就算唔訓，一日之內都一定可以交！不過我想要範本啦！如果宜家冇的話，等其他同事完成後讓我參考一下……

至此，好像已經沒有人理他了！

我不明白，為何刁民中的刁民會這樣好火，和為何會如此理直氣壯的無理。(我還沒有提他竟然以自己是在十個月前接手為理由，在年尾時問新接手一個月的老闆，取今年的年度計劃的無理！！)我們同組時，他都不是這樣……後來，聽另一同事說，他轉組後，就成為該組的領頭羊！(而且他的確不有太多時間辦「行政工作」，因為在給學校的工作坊，他也忙著要介紹自己的書囉！)